German Ral Lian-part one (Inkhel En Thu Nawi)

Khatia German ral lian hmachhawn tura lammual pana kan chhuak ta kha..Thlarau Thianghlim hruaina zarah Aizawl chu tluang takin kan thleng ve hlawl mai a.. Chhungte hneha kan lo Order lawk tawh angin Vawksa rep chhum leh Khanghu Buhchiar hmeha puar el euh a buhchangrum kan bar zawh chuan chhungte pawh mangtha mumal hman lovin Kan tum ram lam panin pul hri tlan san tluka hmanhmawhin kan kawh chhuak leh nghal pawt a.

Luh ruk tum sa-a kal kan nih avangin Gate pui lam pawh kan pan buai duh lo.. Naupan lai atanga kan lo chin than tawh kan kawng tum ruk lama kal tumin Dak Inpui sirah kan liam thla ta nghal a. Kawng chin hre ber ka ni bawk a, in la Boss takin hma ka hruai a, kawng tum leh an in sak dante chu lo ti danglam deuh nual tawh mahse, ka hriat bel tawh em avangin ka buai eih lo. Assam Rifle Lane nu ho hmuh hlau takin, tukverh hnuai lamah Naupan laia kan tih thin dan Ninja style ngei mai khan Pathling pathum, chhungkaw pa ber thah maite chu kan kun phei dan dan a. Nuih a za, nuih chi lah a ni der bawk si lo. Kan nuih rik vaih chuan Assam Rifle nu hovin min vin tuar tuar pahin tui chhia min leih puat a ni mai. ‘Den’ lutuk. Tlangsam buk ro hnuaia vawk kawng rau ang lek kawng tum kan zawh leh zuai hnu chuan Lammual chhim lam zunin bulah kan chhuak ta hlawl a. Vanram kawtchhuah ni mai awma mawiin a lo eng ta pup mai le. khelmual chhuntu engte chuan kan bianga thlantui luang te chu a chhun tle ta ser ser mai. Kekawr ipte hnung lama Ticket man to ber chi pawh bun ak niawm fahrana thawvengin mual zawl lam kan pan phei thauh thauh a.

Lammuala inkhel hmuhnawm deuh a awm apianga Class tlan bopuia ka sawm thin, ‘Englovi’ kha mitthlaah a lo lang zawk a. Chana ro ei paha inngheng riala kan thut dun thinna ‘Tlang’ lamah te chuan ka mit ka han len chho a. Fa engzat nge a neih ve tawh ang aw? Tunah chuan chhangchhe nu a ni ve tawh ngei awm si a.. tih te thlengin ka ngaihtuah hman. ‘Tlang’ lamah chuan lawn chhoh chi rual a ni tawh lo.. mihring hlir an thu khat vek tawh. Chutia ka hawi vual vual lai chuan Thlarau sualin min rawn bei leh ta tlat mai. Ticket man to neiho thutna lamah chuan inzeh ve mai theih ka inring leh ta tlat pek a. Engtin nge Duty ho ka kal pelh ang..? Ka Putea Sipai Uniform hlui kha lo ha chhuak ila chuan ka tlang chiang sa! Thenawm pa Video thlalakna te reuh te kha lo hawh ila, Laptop bag ak chungin inti-Journalist deuhin lo vei ve chhen ila.. (chhunzawm tum..  =D )

Ribbon Eng (Tie a ribbon 'round the ole oak tree)

Sikul naupang Picnic turte chu Bus sen lianpui maiah chuan an lut sap sap a, a phûrin an hlim hlawm kher mai. Thutnaah pawh thu hlei thei lovin an ding a, an zai a, an khek ráwi ráwi hlawm a. Thenkhatin Tui chen an chák tawhzia an sawi a, a thenin pipû leh tawlhpahrit ringawt an lo sawi ve bawk a. Bus hnung lam deuha chuang ve pa pakhat kum 50 mi vel tur, lungngaih hmel tak, lei lam biha kun tlat chu tumahin an ngaihsak lo mai pawh ni lovin a chuang ve a ni tih hria pawh an awm meuh awm love.

Naupang zawng zawng hlim em ema an awm laia mi pakhat lungngai hmel taka lo thu tlat mai chuan Hmeichhe naupang pahnihte mit a la ta tlat mai le. An nu leh paten mikhual hmel hriat loh be lo tur leh nêl lo tura an hrilh thin te chu hre reng mah se, chu pa hmel chuan enge maw ti tak hian a hip tlat a, Bus hnung lam chu an pan ta a.

A bul an thlen chuan be hmasatu nih an hreh dun hle mai. An huaisenna zawng zawng sawm khawmin an be pawp ta a. Mi dang zawng zawng an hlim em em laia eng vanga lungngai tlat nge a nih te chu an zawt a. Chu pa chhanna chuan an beng a verh hle mai.

He ti hian a chanchin chu a sawi ta a. “ Ka hming chu Robert-a a ni a, he Bus in a tlan tlang tur khaw pakhat Derby khaw hmawr lam deuhah ran vulha eizawng ka ni. Nupui fel leh hmeltha em em Mary ka nei a, fapa pahnih leh fanu pakhat neiin chhungkaw rethei tak ni mah ila kan hlim ve em em thin.

Chutia chhungkaw hlim taka kan khawsak mek lai chuan, nikhat chu kan thenawma pem thar pa pakhat hi thinrim em em in a lo kal a, ka bawng pakhatin an thlai chin a tihchhiat thu a rawn sawi a, pawi ka tihzia leh kan ran vulhin a tihchhiat man chu kan pek tur thu te sawiin ka theih tawpa ngaihdam ka dil chung pawhin a lungawi duh ta tlat lo mai a. Kan chhungkua chu anchhe tinreng min lawh chungin kan ranvulh zawng zawngte pawh tur-a a hrai hlum vek tur thute a sawi ta phiar phiar mai a.

Pa zaidam leh thin nel tak ni mah ila, chutia ka nupui fanaute bula anchhe tin reng hmanga min an khum takah chuan ka insum thei ta bik lova, ka hmanraw hmuh hmasak ber bawng ek hai khawmna tuthlawh lianpui mai chuan ka vaw ta vak mai a, a tlu nghal tawp mai reng a. Ka in ngaihtuah fim leh hnuah meuh chuan a lo tlai lutuk tawh. Ka thil tih avanga inchhira kaihthawh leh mai ka han tum chuan a lo thi fel der tawh. Misual, tual that, kum rei tak Jail tang tur ka lo ni ta. Min man a, ka nupui fanaute pawh mangtha mumal hman lovin roreltu te chuan Jail lamah min thawn liam ta nghal a.

Keimah ah hian inthiam lohna leh zahna, hreawm tihna in min tuam reng avangin ka nupui fanaute pawh ka tan chhung zawng hian ka be pawp lo. Inthiam lo leh inchhir em emin kum thum chhung chu Jailah chuan ka lo hmang ral dawn ta a, Jail atanga ka chhuah hma kar khat a la awm tihah chuan inthlahrung tak chungin ka nupui hnenah chuan lehkha ka thawn ta a.

“ Kar leh maiah khian Jail atangin ka lo chhuak tawh dawn a, pasal dang i lo nei tawh emaw, min hmangaih tawh lova pasal atan min pawm duh tawh lo emaw anih pawhin ka vui reng reng lo. Kei chu misual, tualthattu, lungin tang mai ka nih avangin ka chungah engpawh thleng se, keima thiam loh a ni a, ka vui reng reng lo. Chutiang ni lova pasal dang i la neih loh a, kei, tual thattu, misual hi min la hmangaiha pasal atan min lo pawm leh duh dawn a nih chuan kan in kawta Sasaw thing zarah khan Ribbon Eng pakhat i lo khai dawn nia. “ tiin.

Hmeichhe naupang pakhat zawk chuan, Sasaw thing zarah chuan Ribbon Eng chu lo in tar lo palh ta se, engtin nge i awm zel ang? A lo ti khauh a.

“ Ka lehkha thawn kha ka nupui chuan a lo hmuh leh hmuh loh pawh ka hre lo, engpawh nise, kan in kawta sasaw thing zarah Ribbon Eng a lo in khai lo a nih chuan he kan chuanna Bus ah hian ka chuang zel ang a, a tlan tawpah chhukin a rem rem eia in turin kut ka dawh ang a, ka vakvai tawh mai dawn a ni.”

Hmeichhe naupang pahnihte chuan chu thu chu an thiante an hrilh a, an in hrilh chhawng zel a. A hria apiangin chu pa chu an khawngaih ta em em vek a, zai thei an awm tawh lova, nui thei an awm tawh hek lo. tumah bengchheng an awm tawh lo, a reh hian a reh thiap a ni ber mai. Ribbon Eng chu a lo in tar ang em tih bak engdang mah an ngaihtuah thei tawh lo. Naupang zawng zawng chuan Bus tukverh lam an pan a, an dak chhuak far hlawm a. Sasaw thing zarah chuan Ribbon Eng a lo inkhai lovang tih hlau in an thaw dep dep vek mai.

Derby khaw hmawr an thleng ta. In pakhat an tlan pel a, Sasaw thing an la hmu lo. Naupang ho chu an in seh ruh a, an thian te kut an hmer a, an khur der der vek mai. Ribbon Eng chu a lo inkhai ang em? A lo inkhai lo a nih vaih chuan pu Robert-a chan tur lah an hre chiang. Thawk pawh an thaw tha ngam tawh lo. Pu Robert-a pawh chu hawi chhuak ngam lovin Bus chhuatah chuan a thingthi a, a kut pahnih suihin a phun mawlh mawlh bawk a, a tawngtai ni mai hian a hriat a.

Mual pawng pakhat an tlan pelh leh chiah tihah chuan naupang zawng zawng chu lawmin an au ta tuar tuar mai. Sasaw thing chu an hmu ta.  Sasaw thing zarah chuan Ribbon Eng pakhat mai ni lo, a zar tin maiah chuan Ribbon eng za tam a lo in khai phe suau suau ta mai a. Naupang ho chu lawmin an zuang tawr tawr a, kut an beng a, Pu Robert-a lamah chuan an tlan a, an kuah a, an bawh a.  Pu Robert-a leh sikul naupang ho biangah chuan lawmna mittui a lo luang ngiai ngiai a.

( I'm comin' home, I've done my time

Now I've got to know what is and isn't mine
If you received my letter telling you I'd soon be free
Then you'll know just what to do
If you still want me
If you still want me

Whoa, tie a yellow ribbon 'round the ole oak tree
It's been three long years
Do ya still want me (still want me)
If I don't see a ribbon 'round the ole oak tree
I'll stay on the bus
Forget about us
Put the blame on me
If I don't see a yellow ribbon 'round the ole oak tree

Bus driver, please look for me
'cause I couldn't bear to see what I might see
I'm really still in prison
And my love, she holds the key
A simple yellow ribbon's what I need to set me free
I wrote and told her please

Whoa, tie a yellow ribbon 'round the ole oak tree
It's been three long years
Do ya still want me (still want me)
If I don't see a ribbon 'round the ole oak tree
I'll stay on the bus
Forget about us
Put the blame on me
If I don't see a yellow ribbon 'round the ole oak tree

[Instrumental Interlude]

Now the whole damned bus is cheerin'
And I can't believe I see
A hundred yellow ribbons 'round the ole oak tree

I'm comin' home, mmm, mmm

(Tie a ribbon 'round the ole oak tree)
(Tie a ribbon 'round the ole oak tree)
(Tie a ribbon 'round the ole oak tree)

(Tie a ribbon 'round the ole oak tree)
(Tie a ribbon 'round the ole oak tree)
(Tie a ribbon 'round the ole oak tree)

Ka Nu Dawt Sawite

Chhungkaw rethei tak atanga piang leh sei lian ka ni a, mi min pek a nih loh chuan thil thar reng reng hi nei turah ka inngai ngai lo. Nikhua ka hriat ve tirh atangin kan rethei tih ka hriatchian avangin ka nu leh pa te chhawk zangkhai ka tum tlat thin.

            Tukkhat chu chaw chhum tur kan nei mumal tlat lo mai a, a mawi tawk chuan kan thleng ah kan khawrh ve takna a, a tu a mah chuan kan puarpui dawn lo tih kan chiang hle. Chumi tum chuan ka nu chuan a chanai min ei tir a, ka lama a thleng rawn nawr phei pah in, “Bawiha ei zawk teh, ka ril a tam tlat lo mai.” Hei hi ka nu dawt sawi ka hriat vawi khatna.

            Ka nu chu a rem rem thawka inhlawhfa thin an ni a, kar tawpah tlai lam sa man tlawm tlemte a rawn khai haw ve thin. Chawlhni tuk khat chu ka nu chuan sa a suak ve miah lo tih ka hria a, hreawm ka ti hle a, sa hrang khat chu ka nu thlengah a ei turin ka va dah ve a. Ka nu chuan, “Bawiha, nangman ei rawh, sa hi ka ngaina teh chiam lo a nia..” tih pahin a dah let leh a.  Ka nu dawt sawi vawi hnihna.

            Sikul kai rual ka ni ve ta. Ka nu chuan ka hmalam hun thlirin sap sikul man tlawm deuhah tal min dah a duh ve si, chhun lama a inhlawhna atang ringawt chuan a tlin dawn lo tih a hrechiang si, zan lama thawh theih chi a dap a tul leh ta. Zankhat chu Panhnah cheh tur leh Kuhva kheh tur a rawn pawm haw teuh mai a, kan kheh dun a, kei chu naupang tih takah ka mut a chhuaka ka mu mai a, ka than harh leh pawh chuan a lo la mu lova, Ka nu mu ve tawh rawh i chau ang ka tih pawh chuan, “Bawiha, nangmah khan lo mu mai teh, kei chu ka mut a chhuak rih tlat lo..” a ti a. Ka nu dawt sawi vawi thumna.

Tlangval rinawm Josefa (Part One)

Tlangval rinawm Josepha (Part One)        Genesis Bung 37-39

Jakob : Joseph, Sep-te,.. heika lo haw tawh a nia.. lokal teh, ka fapa duat hei thil thar tha deuh mai ka lo hawn che a nia..

Joseph : E, kapa i lo haw tawh maw, i hah em?

Jakob:  Hah love, vawiin kan hna chu a hahdam phian mai..

Joseph: Thingpui ka lo lum ang che aw..

Jakob: Thingpui chu nakin deuhah kan in dawn nia, hei lokal hnai teh, suit thar mawi deuh mai ka lo lei che a nia..

 RC Shirt house a mi ngat a nih hi, han ha chhin nghe nghe teh.

Joseph : Khawi maw kan ha chhin ang e, ( a ha chhin a, a pawt mar vel a) a van mawi em em , kapa, ka inhmeh em?

Jakob : I inhmeh lutuk, i u te pawn mawi an ti ngawt ang. Ka duat lutuk che hi i u te pawh hian an thik deuh che in ka hria.

Joseph : Nia, ka pa chu i ti lutuk thin a lawm, suit te chu ka la nei tha tho a lawm..

Jakob : Mai mai a, ka fapa duat kha i nia i nalh em em tur hi a ni ringawt, (sep-a dar ah a chul a, a beng thak thak a.) Kan thudang a lai chuan, Sep-a, naktuk chu Sekem-ah va zin teh khai, kan Company-a i u te va tlawh teh, tun lai chu signal a chhe lutuka ka fone tlang thei reng reng lo mai, an dam that leh that loh te,  enge tunlai an hna te an tluang em? An project te kha an zo dawn tawh em tih te va zawt chiang la a tha ang.

Jo-a :  Nia, a tha a lawm, ka va zin a nge, tunlai an helicopter service thar pawh hi chuan ve te pawh a chakawm a lawm maw le.. ka va kal dawn nia..ka thlen vel leh ka rawn text ang che. (an chhuak) A nih .. Kapa ka kal nghal mai e aw..

JK- Aw le, tluang takin i va kal dawn nia. (Helicopter ri)

Sep-a unau te:

(1) Vawin kan hna thawk chu ka chau ngei mai, ka kawngte hi a kham tak tak a nia... .. kan khua chu nise nula kan hmeh tir tur a nia.. zanin chu kan thlenin nula kha Be tha deuh ila, a in malis tir theih mai theih a ni.

(2)  kei deuh hi a sin hah, ni a sa ropui bawk si..(A ding hluai a) ...E he, saw Lal-Joseph a a lo lang ve hlawl mai, A mumang a rawn sawi leh dawn a nih loh vek pawn..ka pan min enthla turin a rawn tir a ni ngei ngei ang.

(3) Saw.. Suit thar a rawn hak leh tawh saw, kapa lei sak a ni leh hrim hrim ang. A hna thawk lo ber hi kapa lah hian a duat em em a...

(1) A ni ngawt mai... kei nin hah em emin hna kan thawk a, zo zial bak kan zu pha lo va, a ni lah suit thar nen.. ka ning ta khawp mai.. dahthat mai a ni ka duh ni. Vai thirchhe zawng te hian duh se chuan KG daih a nia ka duh...

(2) Ngawi teh unaupa.. tihdan tur tha deuh ka hria a lawm.. Paihte sumdawng hnenah kan hralh daih dawn nia...

Fone ring : tring tring tring...

Jakob:  Vai ho an ni leh hrim hrim ang.. ninawm.. hello, hello..

Lehlam: Pu Jakoba a ni em?

Jakob: Aw.. ni e, enge ni ta...

Lehlam : ihh.. eng lo...Sekem atangin a nia.. i fapa Joseph-a khan accident a tawk a...

Jakob:  A khai aw....Ka fapa duat Joseph a maw...

Lehlam: aw ni e.. ihh.. an thlen in te Tawlai a lo ru chhuak a, a chesual ta a lawm maw le.. JK -  chu enge a an a.. Mi – an post mortem mek a..... ihh.. a pherh vek...an ti.  JK - Awi.. sep te, ka fapa duat , avan rapthlak tak em,.. Mi- Nia Pu Jakob a zia lo khawp mai.. ihh.. a ruang pawh hlawm tlak a awm si lo va he lamah kan phum mai dawn a mi kan ti deuh a, enge i ngaih dan .? JK- awii..a na ka van ti em,, ngaihdan pawh ka nei thiam love...in thu thu a ni mai... Mi- chuti a nih chuan a that chu.. hei a thawmhnaw te pawh a thi hnuang mai. A thawmhnaw te hi chu nakinah Face book-ah ka rawn post mai dawn nia... a nih leh phots mai.. (chhuah pahin)Jk- Ka fapa duat berin min han boral san ta mai chu a nia. Engtin nge maw ka tih tak ang aw..

Burma sumdawng(door bell) Poti- tunge ni lo lut rawh?(Ipte puar tawk leh Emergency light leh remote control keng hian Josepha chu a rawn kai lut a..

BS –Kapu hei,  Remote conrol leh emergency light te ka zuar a, Pu Potiphara te saw va zawrh rawh an tia... in mamawh zawngte a ni ve em..... Poti - Ngawi teh .. I zuar ho em mai.. Emergency light tih vel mai mai a ho em mai.. Electrict khawlpui te rawn zuar ta che.. Transformer te rawn ken tur a lawm.. tak tak a..kan mamawh loh zawng tak a ni..kan lei lo mai ang e.. BS -  ih.. pu potiphar hei ka nau pawh hi ka zuar tho a sin.. a fel teh mai a nia.. in lei duh chuan ka lakna ngaiin ka pe ang che.... Poti-  Uaii... Mihringte an zuar ngai a mi , tunlai chhanah Human Traficking te an tia, an buaipui luai luai hi.... khawi maw.. tlangval lo kal teh ...tunge i hming ni reng reng a.. Jo-a- Josepa ka nia sep-a tiin min ko thin.. Poti - I hming te chu a va pangngai si ve.. a nih leh eng hnam nge in nih a.. Jo- Hebrai kan ni e , ka pu. Poti- awmpui kan neih loh lai tak phei chu a nia..engtin nge maw kan han tih ang aw.. nu-i lo kal teh hei, awmpui thar kan nei dawn a ni mai thei a nia.. han en ve chhin teh .. i duh zawng a ni em?..

Nupui : Khawi maw... a va hmel tha ve.. a that dawn hi ... ka duh zawng tak a ni mai ka ti.... a fel ngawt ang..

Poti : chutia nang berin i duh te chuan kan lei anga a ni mai a lawm.. engzat man nge ni reng reng a..

BS : ka lakna ngaiin ka pe ang che u ka tih kha.. cheng za a ni mai...

Poti : nu-i han pe rawh khai, cheng nga i belh dawn nia.. tlangval fel tak a nih dawn hi.. kan tifuh viau mai thei a nia..

Nupui : Cheng nga belh kher a ngai lo.. Cheng 99 in ka dil ang chu lo tih nak a  lai a...kha le cheng za chu le.. nang ni ho thil zawrh hi chu warranty hi a awm ve lova..a that loh chuan ka rawn thleng leh dawn a nia.. a pe a sumdawng a chhuak a.

Nupui – kha .. kha laia kha hmunphiah a awm kha, hmun te kha lo phiat la. (sep an hmunphiah a la a a phiat nghal a)Tih tur dang chu i pu kha i lo zawt zel mai dawn nia.. ka chhuak dawn ka sam ka siam tir dawn..ka hmai pawh Facial a ngai leh tawh...kawr thar te pawh lei ka duh. ka chhuak a nia..

Poti  chuan Joa hmun phiat lai chu a thlir vung vung a, ..

Poti -  kha tlangval fel tak i nih dawn kha maw le.. ih eng lo in ti ang..

Tunlai Office kan buai lai tak a ni bawk a.. MR in ka thun ang che.. i fel viau chuan in dah ngheh dan te pawh kan zawng dawn nia..phone a lo ri a.. (ruahsur leh ṭek tla ri)

Poti a nupui (phone atangin) poti.., hei ruah a sur tlat mai... nang lah chu i nuam sam lo viau mai bawk sia..kan awmpui thar kha motor a khalh thiam leh thim loh han zawt la, a thiam chuan min lo hruai lawk mai teh se a.. Poti- Hetiang miin motor khalh a thiam dawn a mi.. Nupui- thiam mai ang tunlai mi chu thil hi an risk huai a,, a ti thei mai ang.. Poti- a nih leh ka han zawt chhin ang a. ka rawn tir dawn nia.. Nupui- Society dawr kawtah hian ka lo nghak dawn nia, rawn hmanhmawh deuh rawh se aw..

Poti- aw le aw le..

Poti- sep-a motor i khalh thiam em.. hei , i pi in min lo hruai mai teh se a ti a nih chu..

Jo-a – Aw.. thiam ve sawih sawih e.., chutia pi ten an tih chuan kan hruai anga a ni mai a lawm..

Poti- chuti chu , a that hlauh chu.. va hruai teh khai, mahse rawn fimkhur viau ang che, ruah a sur chuan kawng a nal nasa thin a nia.. a tlawh dinna mawlh kha..

Jo-a -  fimkhur tehreng ang.. him takin ka rawn thlen em em ang

Poti.. a nih leh kha... chahbi... fimkhur rawh ka tih kha aw.....A tlawh dinna mawlh kha aw.. Aw le..aw le.. ka kal nghal e..(Motor Start –vroommm)

Poti- kei pawh Korean film en pahin kan mu zal mai mai teh ang..

(Motor ri)Sepa-a leh Poti-a nupui- Thutthlengseiah an thu dun ang a, sep-a motor khalh ang deuh in a awm ang.

Nupui – Tlangval tunge i hming kha.. kan la in bel chiang hman lova, i hming pawh ka lo la hre hlei nem.. Hei belh chian i dawl hmel hle mai a,(sep-a dar leh hnung zang vel a chul a.) i pu ve te ai saw chuan nang hi chuan min ti hlim zawk ang maw le..

Jo-a- (nuam lo ti hmel takin a awm a, a pi in a khawih a piangin a eu deuh zuk zuk a).ihh.. ka hming chu Joseph-a a nia sep-a tiin min ka mai thin

Nupui – hming mawi tak a nih chu maw le, i hmel that ang bawkin i hming pawh a mawi hle mai. Ka nulat lai atang tawhin nang ni ang hi a lawm ka lo zawn ngar ngar.. ka duhthusam mipa ka tawng ta che a ang khawp mai a.. khaw maw... motor khalh te hi min zirtir ve la a tha ang..(a kuah a, a kut te a dawm pui a.. he lamah hian kawi rawh... he lamah zawk..Nupui- A van nuam reuh e....) Sep-a chuan awm ngaihna pawh a hre tawh lo, rem lo deuh in a pi chu a en trawk tawk a..

Nupui – e khai.. hei in kan thleng dawn der mai a, (a sam leh thawmhnaw vel a ti tha mawlh mawlh a) an tho a, an chhuak a.. chhuah pahin.. Nupui- sep-a motor khalh zir kha a nuam dawn riau in ka hria,, naktuk zingah i pu thawh hma in kan zir duh leh dawn nia aw..

Poti-a stage-ah a lo lut a..Poti - Kan nu te pawh chu an va rei tawh ve maw le... khua a chhe sia.. an chesual ang tih ka hlau ngawt mai.. a nupui a lo lut a, Nupui- E.. my dear min lo ngai tawh em... kei chu rei lo te ka hmuh loh che pawh hian ka ngai em em hman zel che a sin... a kuah a.. ka sam thar chu a nalh i ti em.. (a sam a ti pharh a, a thle no vel a)

Poti-a – i nalh lutuk.. khawvelah hian nang aia nalh an awm kher lovang..... khawnge sep-a pawh chu a awm a..?

Nupui – motor a berh deuh a a sil nghal a nih kha.. Poti-a – kan tlangval thar chu a fel dawn khawp mai a.. motor sil nghal nachang te a hria a.... nang enge i hmuh dan a fel dawn awm em..? Nupui - A fel hmel khawp in ka hria, felchho zel turah ngai phawt ang.  Poti-a – nia a fel hmel khawp mai... ih.. eng lo.. ka Driver turin MR-in ka la ang chu ka lo tia.. mahse hei, driver mai lo deuh pawh a phu khawp mai.. ngaihtuahna thar ka nei leh ta tlat mai.. Office mai bakah kan in leh lo, kan sum zawng zawng enkawltu-ah tang teh se.. Manager angin hmang i la a fuh zawk dawn tlatin ka hria.... My dear .. enge i ngaih ve dan..? Nupui – chutia pa berin i tih te chuan a tha a ni mai a lawm... ti rawh choka lamah i phei teh ang.. mama tê ka lo hawn che a nia... i va ei dun rep rep teh ang. An chhuak a.

Jo-a a lo lut ve thung a – Jo- Nimin a ka pi awm dan kha chu ka ngaih a ti tha lo hle mai... ka lakah hian beisei a nei a ni chiang mai.. engtin nge ka tih ang aw..han chhuahsan ringawt dawn i la, kalna tur dang ka hre si lo, bak ah ka vanneihna ve tur, ka hlawh hmuh na an ni tlat bawk sia... ka van buai tak em.. engpawh nise Pathian hnenah tawngtai phawt mai teh ang.  Thingthi - Lalpa, tunah hian thlemna hautak zet mai ka hmachhawn mek a, Thlemna engpawh hneh thei turin leh nangmah-a rinawm reng thei turin min tanpui la, ka rinawm avanga tawrh a ngai a nih pawhin tuar ngam zel turin min tanpui ang che..Amen.

Poti a lo lut a – Poti- sep-a kha i lo tawngtai a law..? i va ti tha ve aw... ka lo rin ang chiah i ni mai ka ti.., ka ti fuh dawn e.. thil tha deuh hrilh tur che ka nei a nia..lo kal hnai teh.. hei, i nungchang ka hmu a, i taimak zia te, i rinawmna te leh Pathian i tih zia te ka hmu a, chuvangin vawiin a tang hian Ka Office mai bakah ka sum leh pai, ka ro zawng zawng enkawl tuah ka hmang dawn che a ni... ka Manager i ni dawn ta a nih chu... tha takin i thawh theih ka ring tlat a ni..

Jo-a – ka pu, i tawngvai a ni lo maw... chutiang thil ropui lutuk te chu ka phu hlei nem..ka van lawm em..

Poti – i taimak leh i rinawmna rah a a nih hi... kha la rawh..(Manager tih inziahna lehkha khawng a pe a) tun atang chuan ka manager i ni tawh dawn tihna a nih kha.. hei, vawin chu chhuah hma ka ngai tlat mai... ti khan i hna chu tha deuh in i lo thawk dawn nia.. ka kal mai.. sep-a – nia a huphurhawm viau nangin tha deuh a thawh ka lo tum a ng e.. dawhkana paper a en fel vel a

Poti nupui a lo lut ve nghal a.. Nupui- Sep-a, vawin chu kan pa a awm lo bawk a, uluk deuh in motor khalh chu min lo zirtir teh..(sep-a chu han kuah mai a tum a, mahse a lo in veng a) ka pi, ka lehkha en lai hi a pawimwh lutuk a, khawngaih takin min lo ti buai lo lawk teh..

Nupui – lehkha tih mai mai... vawin ah hian nang leh kei aia pawimawh a awm lo.. sepa bulah a thu a, a zut vel a.. sepa a lo in dang zel a,..

ti khan lo in dang zel suh, i pa lo em mai, tumah an awmloh hi... zah tur a awm lo.. lokal teh.. bed room lamah... i pu awm loh hlan hian a ai lo awh teh.. nang ang tlangval hmel tha hi a lawm ka lo zawn thin chu..

Jo-a – Kapi thil i ngaihtuah chiang lo a ni.. he tia awm tur hi i ni hlei nem, ka pu nupui i ni a, kapu lahin min hmangaih in min duhsak em em a, chutichuan engtin nge he sual lian tak hi tiin Pathian chungah thil ka tih sual theih ang. Ka pi, in ngaihtuah chiang rawh.. hetiang tur a ni lo..

Nupui – a ho em mai, tunah Pathian Pathian tih a hun lo, lokal mai mai teh.. a kawr / shawl-ah a pawt a,

Jo-a – Aih.. ka pi ka thei lo.. ka duh lo..a shawl a tlansan a.

Nupui- a shawl ken lai chu a paih thuai a, Mai mai a, kan awmpui tlangval in ka sawm na a hnar vei maw... a chak lovang, mahni pi te thu awih loh pawi zia hriattir a ngai a ni.. a chak lo teh ang chu aw..

shawl a chhar a a au ta vak vak a (Help...help..somebody help me...)

An thenawm nu (3) an lo lut a... 1-engtizia nge ni ta.. enge thil awmzia..

Nupui – kan awmpui thar joseph-a kha ... keimah chauha room a ka awm laiin a lo lut thut a..... min mutpui a tum a... ka duh lova.. ka au ta vak a nih kha... tichuan a hlau a. a tlanchhe ta a nih kha... hei a thawmhnaw te pawh a thlauh a hi..

Mi 2– a va zialo ve aw... a va zak thei lo ve ... vuak hrep tur a nih chu.. 3- A.. kapi engpawh ni se.. in pa pu Potiphara kan va ko phawt ang e.. an chhuak a. potiphara a lo lut ve nghal a.

Poti- enge ni ta... eng e thil awm zia...

Nupui- kan awmpui thar joseph-a kha ... keimah chauha room a ka awm laiin a lo lut thut a..... min mutpui a tum a... ka duh lova.. ka au ta vak a nih kha... tichuan a hlau a. a tlanchhe ta a nih kha... hei a thawmhnaw te pawh a thlauh a nih hi..

Poti- a va zak lo em em ve... ka lo ring sual hle mai.. a rang thei ang bera Police phone a ngai a nih chu...

Phone a phawrh a. a hmet nuap nuap a..khawi maw nu-i ka tarmit han la teh tarmit tel lo chuan engmah ka hmu thei hlei nem.. Nupui- a zawng vel ruai ruai a.. ka va hmu mai lo ve... khaw nge i dah reng reng a.. Poti- Ka dahna hria ila, zawng rawh ka ti hauh lovang.. zawng tha leh rawh.. Nupui- ninawm lutuk mai... khawnge khawnge ti reng ringawt mai... dahna hmun te hi nei ve ta che,... khawi maw.. lo hawi teh i lo vuah leh reng lo maw... A va mak thin tak em.. kha i vuah reng kha.. kha kha i tarmit chu a ni lawm ni? Poti-a-a va mak tak ve maw le... ka vuah tih ka lo hre lo reng reng... police station chu kan phone a nge..Hello. Police station maw..?  Lehlam- ni lo... he lai chu khawzawl dinthar a nia.. Poti-  ta daih chuan a..- a va mak leh zel ve.. Lehlam- -kapu kan bawl lawk che a nih kha.. police station a ni e.. enge i duh ve tak a?.. Poti- Ihh..Potiphara ka nia.. a rang thei ang berin ka in lamah lo kal teh u...hei.. pawngsual an tih ang deuh hian kan awm a.. MHIP hruaitu te kha rawn hrilh nghal ula.. kawng te pawh an zawh duh mai thei a nia..Lehlam – A nih tak chu a va zia lo ve aw.. keini lam chu kan indaih lo deuh a, FBI lam kan rawn tir mai dawn nia.. Poti – E a va tihzia ve .. a rem rem kha lo tir mai rawh u.... chuan maw.. Hello..hello... hello...fone a en vut vut a.. awh awh aw... ka balance a lo zo leh ta... (a nupui a en a..) nangpui roh hian ka balance i lo ru leh tawh a ni maw...? Nupui- teuh lo mai... i hman zawh vek a nih kha.. ti rawh helamah hian.. kan FBI ho chu thingpui te kan lo lum dawn nia..(Police siren tih rik tur) Nupui- chu an lo thleng a va nih hmel ve.. Poti- a nih dawn chu, ti teh i lo va welcome to chiau au teh ang. an chhuak tur leh FBI lo lut tur an in twak a.. Nupui-  e.. in va rang ve... kha tiang tur kha a ni.. in ti lawmawm e.. thingpui te in in duh emm ka lo lum dawn che u  a mi?.. FBI- a ngai love.. kan lawm e.. kan misual pa chu kan han zawng nghal ang e.. Joseph-a mipui zingah a lo thu a an zawng kual vel a, FBI-1- Khawnge maw a lo awm hman le.. a ni hi a lerh reuh a.. Nula bulah a lo thu leh kawk ang chu..(zawng kual) FBI-2- saw le, ka hmu e... i ring dik chiah nula bula saw a lo insawi thei leh pek tawh a niang..... va hnuk chhuak teh ang.. (an hnuk chhuak dawr dawr a.) FBI-1- - kal tha rawh..i awm that duh loh chuan kan vaw hrep dawn che a nia..(an nam nawk nawk a, stage-ah an nam lut a.. (Thir kawngka khar/kalh ri) FBI-2- Ti khan Lock up-ah khan zanin chu lo riak ve phawt mai teh..

 Josepha – Pathian tana kan rinawm tlat avang leh harsa tak chunga a hnung kan zui ve hram hram avangin tawrhna leh chânna, mualphona leh thian te nuih zat, mi mawl leh thing nih te hlawh thin mah ila.. a tawpah chuan Kan rin Pathian hian dinhmun sang takah min la hlangkai  ngei dawn si a.

(Josepha thusawi laiin midang – a changtute zawngzawng an lo lut ang. (..Krista vanga tuar ngam, krista vanga chan ngam..... i phur ngam dawn em le..thunawn) tih hla kha play a lam tur.)

Kan lawm e.

October 27-2012

Davida leh Goliatha

Davida leh Goliatha

Tlangau : (Khuangpui - Dumm..Dumm..Dumm..) Lal ber Saula thuchhuak lo ngaithla theuh rawh u. (2)

Judai ram chhunga Soko khuaah Philistia mite min do turin an pung khawm chiam mai a, an mahni lo bei let turin Israel mi ral do thei chin chu chhuah khawm vek tur a ni e. (Dumm..Dumm..Dumm..)

Jesaia In-1

Jesaia : Ekhai, Ka fapa te u, ka bulah hian lo kal khawm teh u khai.

Fapa : Kapa, Enge ni ta?

Jesaia : Kha Tlangau kha in lo hre vek ang a, Philistia ho min do turin an pungkhawm chiam mai a, an mahni lo bei let turin nangni ho hi in chhuah ve a ngai dawn a ni. Nang, Eliaba..Nang, Abinadaba.. nang pawh Sama.. Kan Lal Saula hnung zuiin ral do tur chuan in kal dawn nia, Jesaia Fapate in ni tih kha hre reng ula, huaisen takin ral chu in va bei dawn nia.

Fapa : Kapa, kan kal nghal mai dawn em ni ang?

Jesaia : Aw le.. in siam ula, kal nghal mai rawh u.

Fapa : A nih leh, Kapa, kan kal nghal mai a ni aw.. Jesaia : Aw le.. Huaisen takin in va awm dawn nia.. Kei pawh in tan Pathian hnena inthawina tur halral thil hlan ka va buaipui ang e.

Battle Field-1

Stage leh lamah Goliatha a lo langa, leh lamah Israel sipai (hlauh hmel takin)an awm bawk a.

Goliatha : Israel sipai, Saula chhiahhlawh ho khan hei hi lo ngaithla rawh u. Vawinah hian Israel sipaiho te u cho chikimin ka cho che u a ni. Haha ha ha.. Ka sawi chu in hria em? Mi pakhat chu in thlang chhuak rawh u le, kan lo in bei ang e. Ha ha ha.. Israel sipai mi dawihzep ho tuman min bei ngam nange.. mipakhat chu lo thlangchhuak ula, naktukah ka lo kal leh ang.. in hria em..hahaha..

Sipai 1 : A va lian rapthlak em em ve le, a hmel te kha a rapthlak lutuk, a chak hmel bawk si, ka hlauh zawng tak a ni.

Hmeichhia 1 : Awi awi awi... a va rapthlak ngai ve le.. Hei ei leh in tur kan rawn ken sak che u, in hahin in chau tawh awm sia, la ula ei rawh u.

Sipai 2 : A va lawmawm em em ve, kan chauin kan ril pawh a tam tawh khawp a sin, in fel hle mai.

Hmeichhia 2 : Kei zawng Philistia mi lian pa kha ka hlau em mai, a lo lang leh ang tih ka hlau a nia, hawh u, in riah buk lamah i kir leh phawt mai ang u, tah chuan eitur te hi chu in ei mai dawn nia.

Sipai 3: Ni e, a lo lan leh hmain riahhmun lam pan phawt mai ang u, a hlauhawm em mai, kan cho rual a ni lo a nih kha.

Jesaia In-2

Jesaia : Ka fapate chu ka ngaihtuah hle mai.. indonaah an la kal ngai si lova, engtinnge an chanchin ka hriat theih ang aw.. Davida ka bulah hian lo kal hnai teh khai.

Davida : enge ni ta kapa..

Jesaia : Lal Saula leh Israel sipaiho awmkhawmna hmun Ela ruamah va kal thuai teh khai, hei, eitur chi hrang hrang leh chhang hlawm sawm hi keng la, i u te i pe dawn nia, chuan, hei Bawnghnute khal tlang sawm hi keng bawk la, Israel sipai hotu i pe dawn nia, i u te leh indona chanchin kimchang takin i rawn hre dawn nia.

Davida : Aw le, kapa, naktuk khawvar veleh ka kal dawn nia, chanchin kimchang ka rawn hawn dawn nia.

Jesaia : Ni e, zing takah i tho dawn nia, ti rawh i mu phawt ang khai.

Battle Field-2

Stage leh lamah Goliatha a lo langa, leh lamah Israel sipai (hlauh hmel takin)an awm bawk a.

Goliatha : Israel sipai dawihzep ho.. hei ka lo lang leh ta e. ka sawi kha in la hre reng em? Mi pakhat in thlang chhuak ula, lo kal rawh se, chumi chuan min bei ngam a, min tihhlum thei a nih chuan kan vaiin in chhiahhlawhah kan awm ang a, amaherawhchu keiin ka ngam zawk a, ka lo tithlum a nih chuan kan chhiahhlawhah in awm ang a, kan rawng in bawl ve thung ang.. chu chu in ngam em?

Davida : He serh tan loh Philistia mi hi tunge maw a nih a, Pathian nung sipaite a han cho vel chu le? A va han chapo em em ve, bei ngam in awm lo a mi? Pathian nung sipaite han cho ngam chu tihhlum daih tlak a ni.

Eliaba : Ehe he.. Davida, he lai thleng thlengin enge i rawn tih ve haw leh rang rawh, naupang awm ve na chia nih loh hi, khawiah nge i beram ven te pawh an awm, i rawn kalsan ringawt ni maw.. haw hmanhmawh rawh.

Davida : Ka u , kapan min tira ka lo kal a nih hi. He serh tan loh Philistia mi hi tunge maw a nih a, Pathian nung sipaite a han cho vel chu le? A va han chapo em em ve, bei ngam in awm lo a mi?

Sama : Kha khai khai... nangte hi i zahphiawm reuh lutuk, nang naupang mai mai khan engmah lo sawi ve suh..mi dangin an hre palh reu reu ang e.. sipai dangin an hriat chuan a zahthlak dawn em mai.. riahbuk lamah kir pui vat i ngai a nih hi... kal rawh.. kal rawh.. zahpuiawm reuh lutuk mai..

Goliatha : Ha ha ha.. Israel sipai mi dawihzep ho tuman min bei ngam nange.. mipakhat chu lo thlangchhuak ula, naktukah ka lo kal leh ang.. in hria em..hahaha..

Lal Saula In

Lalthuthlengah thuin hmeichhe pahnihin an zap a, a bulah a fanu a thu bawk a.

Saula : Ka mite zingah Philistia mi lian Goliatha bei ngam tur leh hneh thei tur tumah an awm lo maw.. engtinnge ka han tih ang aw.. e, tih dan tur ka hria ta, ka sipaite tih phur nan leh an lo huaisen zawk theih nan he ti hian ti teh ang. He Philistia mi lian, Goliatha bei ngam leh tihlum thei tu chu sum leh pai tam tak ka pe ang a, ka fanu hmeltha tak mai hi nupui atan an nei bawk ang.. tin, an thlahte zawng zawngin Lal hnena chhiah an chawi a ngai tawh lo bawk ang... umm... tha dawn lutuk.. tha dawn lutuk.. chutiang tur chuan ka sipai te hnenah thu thlen nghal a ngai a nih chu.

Davida : Aw Lalber, Jesaia fapa Davida ka ni a. Lal ber, Philistia mi lian avang chuan i rilru zam reng reng suh se, kei i chhiahhlawh tlawm tak hian chu Philistia mi liana chu ka bei ang e.

Saula : Ekhai, tlangval, nang zawng Philistia mi lian bei tur chuan i kal thei em lovang, i la naupang lulai em mai, A ni chu a tleirawl tirh atangin ral do mi ni tura buatsaih a ni a sin.

Davida : Lal ber, i chhiahhlawh hian kapa beram ka veng thin a, sakeibaknei emaw savawm emaw an lo kala ka beram te an seh pawhin ka um a, ka bei a, ka chhanchhuak thin a sin. Tin, keimah min seh an tum pawhin ka theih tawpin ka bei a, ka tihlum thin a ni. I chhiahhlawh hian sakeibaknei leh savawm pawh ka that ve ve tawh a sin, Philistia mi lian Goliatha pawh chu ka tihlum thei ngei ang. Pathian nung sipaite a cho veia, sakeibaknei leh savawm laka min chhanchhuaktu chuan he Philistia mi kut atang pawh hian min chhanchhuak em em ang.

Saula :  a nih leh le.. i beih ngam chuan keini han dan chi pawh i nih loh chu. Lalpa Pathian chuan a tanpui ngei che ka beisei e. khai le.. Ka ral beihna thuam, thir kawr leh ka khandaihte khan han thuam rawh u le.

Davida : Lalber, hetiang hian ka la inthuam chhin ngai si lova, ka kal pui thei hauh lo mai, he tiang ai chuan ka beram ven thuam nen hian ka bei zawk ang e.

Saula ; A nih chuan hlip leh mai rawh u. A nih leh Tlangval kal rawh le, keini pawhin i hnungah kan rawn zui ang che. Lalpa i Pathian chuan vengin awmpui zel che rawh se.

Battle Field-3

Goliatha : Israel mite u, ka sawi kha in la hre reng em Tunge min bei tur chuan lo kal dawn le.. ka lo nghak e.hahaha..

Uai... nang hi maw min bei tura lo thawk chhuak chu... Naupang te, ui emaw ka nih i tia law? kha tia tiang nen chauha i lo kal, i va huai awm reuh ve..hahaha.. Lo kal hnai teh, ka lo pawt sawm vek teh ang che.

Davida : I taksa kha chungleng savate leh ramsate ei turin ka pe dawn a nia, nang chuan khandaih te, fei te kengini lo thawk a, kei zawng sipai ho te Lalpa, Israel te Pathian i cho a hming ngei in a ni ka lo kal ni. Vawiinah hian nang hi Lalpan ka kutah min pe dawn a ni. Ka that che anga i lu ka tan bawk dawn a ni, chutichuan khawvela mi zawng zawng hian Israelte zingah hian Pathian a awm a ni tih an hriat theih nan. In dona chu Lalpa indona a ni si a, Lalpa chuan nangni ho hi ka kutah min pe dawn a ni.

Virvawm a lachhuak a, Goliatha chu a chaldarah tak a vawm a, Goliatha chu a tlu ta a.

Davida : Indona chu Lalpa indona a ni a, Hnehna chu Lalpa ta a ni, Lapa chu fakin awm rawh se..

Sipai ho : Indona chu Lalpa indona a ni a, Hnehna chu Lalpa ta a ni, Lapa chu fakin awm rawh se..

Davida chuan Goliatha Khandaih chu a la a, a lu a tan ta a. Goliatha lu khai chungin mipui lamah a kal hnai a.

Davida : KTP member duh tak te u, Tunlai khawvel sualna chi hrang hrang min beitu leh min dotute hi lianin hneh harsa thin hle mahse Pathian kan lama a tan tlat avangin kan la hneh ngei dawn a ni, zam lo leh beidawng mai lovin i bei zel ang u. Indona chu Lalpa indona a ni a, hnehna chu Lalpa ta a ni.

Kan lawm e.. 

April 15-2013